Бонучи на дуелот со Наполи го ископира легендарниот потег на Кјелини од финалето на ЕП (Видео)

Леонардо Бонучи мораше да издржи многу провокации од фановите на Наполи, но тој и неговите соиграчи од Унион Берлин се вратија во Германија многу позадоволни од резултатот на „Диего Марадона“.

Ремито ги направи среќни членовите на бундеслигашот, па и ветеранот кој по секоја цена сака да докаже дека се уште може да игра на високо ниво и непристојно бил истеран од раководството на Јувентус.

По средбата во Неапол, Бонучи ги коментирал случувањата, но и дуелот со Џакомо Распадори, во кој го фати за дрес колегата од националниот тим и не му дозволи да продолжи со акцијата. Дефанзивецот доби жолт картон, но беше задоволен од ефектот, исто како и Џорџо Кјелини со легендарниот старт над Букајо Сака во финалето на ЕП меѓу Италија и Англија.

– Џек ме тераше постојано да трчам лево-десно, има голема иднина пред себе, тој е комплетен напаѓач кој може да шутира со двете нозе.

– Мојот прекршок над него ме потсети на Кјелини на „Вембли“, – изјавил Бонучи.

⏰ 𝟐𝟏:𝟓𝟕 𝐡𝐨𝐫𝐚𝐬

👁🫢 Bonucci sigue encontrando la pelota después de este detallito de Raspadori.
pic.twitter.com/2EZEa4t3hq

— Afición Deportiva (@AfDeportiva_) November 8, 2023