Бонучи го храбри сонародникот кој беше „избомбардиран“ по ремито во Скопје: Секогаш со тебе брате (Фото)

Леонардо Бонучи се пресели во Унион Берлин и најде излез од кошмарот во кој се најде во Јувентус, но додека размислува дали да покрене правна постапка против поранешниот клуб, искусниот стопер е насочен и кон она што следи вечерва.

Италија одигра 1:1 во Скопје и си ги закомплицира своите работи во групната фаза во квалификациите, па сега има императив да напаѓа и да освои три бода вечерва против Украина.

Пред дербито на „Сан Сиро“, најголем дел од италијанската јавност бараше смена на голманската позиција и давање шанса на Викарио, но откако Спалети нагласи дека Донарума останува број еден, со поддршка за голманот се јави и Бонучи.

Џиџио наиде на жестоки критики по изданието кое го имаше во Скопје и примениот гол од Енис Барди, па Лео како поранешен капитен сега почувствува потреба да му се обрати на социјалните мрежи.

– Секогаш со тебе брате, секогаш нека ти биде главата подигната, – порача Бонучи.