„Боно“ нема да му се приклучи на Хамилтон во Ферари

Луис Хамилтон го потврди заминувањето во редовите на Ферари за следната сезона, но во тој нов предизвик нема да биде придружуван од неговиот најблизок соработник.

Меѓу Ф1 фановите познат како „Боно“, е всушност Питер Бонингтон, инженерот кој работи со Хамилтон долг период и со Британецот освои шест светски титули.

Бонингтон ќе остане на линија со Хамилтон за време на трките до крајот на сезоната, но веќе добил унапредување од Мерцедес, кој се чини повлече ваков потег за да спречи евентуална шанса за негов трансфер во редовите на Скудерија.

„Боно“ ќе биде главен на тркачките инженери во Мерцедес, но решил да му биде инженер и на еден од возачите кои ќе настапуваат за германскиот фабрички тим следната сезона.

Џорџ Расел сигурно ќе вози за Мерцедес и во 2025 година, а се очекува нов тимски колега да му биде младиот Кими Антонели.