Болоња стави крај на победничката серија на Фиорентина (Видео)

Болоња го надополни ремито со Јувентус со важна победа против Фиорентина, со што се приближи до екипите од врвот и ја прекина долгата позитивна серија на противникот.

Винченцо Италијано го совлада својот поранешен клуб, а триумфот го обезбеди Одгард, со погодок постигнат во 59. минута.

„Виолетовите“ пристигнаа во Болоња во обид да стигнат до деветта победа по ред во Серија А, но на крајот се враќаат со празни раце од гостувањето на „Ренато Дел’Ара“.

Болоња стигна до 25 бодови и заостанува три бода зад Јувентус, додека Фиорентина остана на 31 бод и привремено е во Топ 4 на табелата во Серија А.

На вториот натпревар одигран во истиот термин, Верона славеше на гостувањето кај Парма со 2:3.