Болоња ја потврди веста за заминувањето на Мота, младиот стручњак пред промоција во Торино (Фото)

Тиаго Мота направи историски успех и цел град го славеше пласманот на Болоња во елитната Лига на шампиони, но ова попладне сите приврзаници на клубот се соочија со реалноста кога е во прашање творецот на фантастичните игри.

Мота денеска го информирал клубот дека нема да го продолжи договорот и дека експресно става крај на својата двегодишна авантура во Болоња, а оваа вест со официјална објава ја потврди и првиот човек на клубот.

Џои Сапуто пред неколку дена најави дека ќе даде се за го задржи Мота во Болоња барем уште една година, но сепак не можел да му ја држи затворената вратата на тренерот кој веќе ја има договорено својата следна дестинација.

Веднаш по објавеното соопштение на Болоња, угледните италијански медиуми ја пласираа информацијата за постигнат договор меѓу Мота и Јувентус, што автоматски значи дека Тиаго и дефинитивно ќе биде наследникот за Макс Алегри во Торино.

Мота ставил потпис на тригодишен договор со Јувентус според кој ќе заработува по пет милиои евра по сезона, а својот прв работен ден во клубот се очекува да го има на стартот на месец јули.

Official statement from the Club 📄

— Bologna FC 1909 (@BolognaFC1909en) May 23, 2024