Богдановиќ: Тоа беше најтешкиот меч на шампионатот

Богдан Богдановиќ како капитен одигра важна улога во одличниот настап на Србија на Летните Олимписки Игри каде беше освоен бронзениот медал.

Србите се прикажаа во супер издание особено во нокаут фазата и малку недостасуваше да се пласираат во големото финале и да се борат за златото.

Сепак Богдановиќ ако мора да избере еден натпревар според тежината, интересно тоа е оној против Јужен Судан во групната фаза.

-Знам дека се паметат само последните натпревари, но… Можеби најтешкиот меч во животот ми беше против Јужен Судан. Оттогаш почна трошењето. Потоа губивме од Австралија со 24 разлика. Тие добиени натпревари лесно се сфаќаат, најголемото внимание беше против Американците, но ние спортистите најдобро знаеме низ што поминавме. Ова не прави посилни и не обединува, -порача Богдан по враќањето во Белград.