Богдановиќ призна дека се расправал со ЛеБрон: Имаше и пцовки…..

Србија одигра извонреден кошаркарски турнир во Париз и се врати со бронза во Белград, медал кој вчера на големо се славеше заедно со сите олимпијци кои беа дел одо игрите во Париз.

Српските спортисти добија пречек за паметење и меѓу најголемите ѕвезди беа токму кошаркарите, кои на патот до бронзата мораа да се сретнат и со најдобрата селекција во светот.

„Дрим-тимот“ на САД добро мораше да се намачи за да дојде до тесна победа на Србија и тој меч донесе и тензија во самиот финиш, во кој Богдан Богдановиќ како капитен имаше што да му каже на Леброн Џејмс.

Боги беше уловен како го пцуе МВП играчот на турнирот во Париз, а сега по враќањето во Белград призна дека си размениле доста жолчни зборови соо ЛеБрон.

– Искрено да ви кажам, не знам што точно си разменивме. Се расправавме на теренот, јас се борев за своите, а тој за неговите. Тоа беше во жарот на борбата, имаше и пцовки. Но, тоа што се случува на теренот, останува таму, – изјави Боги за „РТС“.