Богдановиќ ја продолжи долгата серија и влезе во елитно тројкашко друштво во НБА

Српскиот репрезентативец Богдан Богдановиќ постигна 20 поени во победата на Атланта над Л.А Лејкерс, а вообичаено за него, успеа да уфрли и неколку тројки во кошот на противникот.

За членот на Хоукс ова беше посебен натпревар, бидејќи стигна до стотиот натпревар во серија на кој погодил барем една тројка, ефект кој досега го имале уште само тројца кошаркари во историјата на НБА.

Богдановиќ се искачи на петтото место на вечната листа според серијата на натпревари со реализирана тројка, а следен на неа е Кајл Корвер со 127 натпревари.

Во ова друштво се уште и Демијан Лилард со серија од 150 натпревари со реализирана тројка, како и Стеф Кари кој е на првото и второто место со серии од 157 и 268 натпревари.