Богдановиќ го „летна“ Дончиќ, па ја „скина“ мрежичката (ВИДЕО)

Составот на Атланта Хокс оствари убедлива победа над Далас Маверикс од 113-87 и на перфектен начин ја отвори новата сезона во НБА лигата.

„Јастребите“ доминираа од почетокот до крајот, ги добија во полза сите четири четвртини и сосема заслужено дојдоа до славјето. Ова воедно значаше дека Богдан Богдановиќ ја доби првата балканска битка против Лука Дончиќ и Бојан Марјановиќ кои и сезонава се дел од Маверикс.

Токму Богдановиќ имаше дуели со Дончиќ, а при една ситуација покажа како школски се решава противникот, па така му продаде финта на Словенецот по што следуваше тројка со која ја „скина“ мрежичката.

(тој детаљ почнува на 30 секунда).