Бобан: Ибрахимовиќ направи колосална грешка…

Златан Ибрахимовиќ доби нова улога во калчолигашот Милан, улога во која имаше доста влијание во трансфер операциите на клубот, потези за кои доправа ќе треба да се донесат заклучоци врз основа на постигнатите резултати.

Екипата дефинитивно тргна под очекувањата, освои само два бода по три кола иако играше со Торино, Парма и Лацио што е премалку за состав за кој се најавува дека сака да биде на врвот.

Со секој нов лош резултат ќе се зголемува притисокот и тоа добро го знае легендарниот Звонимир Бобан кој во повеќе улога беше дел од Милан во минатото.

-Златан е генијалец и засекогаш ќе му бидам благодарен за неговата љубов кон Милан, што се согласи да се врати и со тоа што ја промени поновата историја на клубот и на сите нас. Од друга страна, не разбирам што прави сега, ниту кои се неговите обврски, ниту неговите надлежности за да му судам. Се надевам дека разбира што прави, бидејќи утре врз основа на тоа ќе му судат, -рече Бобан кој посочи што не му се допаднало ова лето.

-Факт е дека тимот што го освои Скудетото и играше во полуфиналето на Лигата на шампионите беше брутално распарчен. На тие темели можеше многу да се изгради. За мене тоа е колосална грешка, -порача Хрватот кој смета дека треба да му се даде време на новиот тренер Пауло Фонсека иако има одредени забелешки околу формацијата во која можат да играат „росонерите“.