Боатенг со храбро тврдење: Де Ѕерби е подобар тренер од Гвардиола

Роберто Де Ѕерби е стратег кој се наметнува на фудбалската карта, па по добрите резултати со Сасуоло и епизодата во Шахтјор Доњецк тој има добри успеси со премиерлигашот Брајтон кој сезонава игра и во Европа.

Италијанецот не може да се пофали со титули (има само една) во досегашната тренерска кариера, но многу е ценета неговата работа, па Кевин-Принс Боатенг кој е некогашен член на Милан, Барселона, Тотенхем, Фиорентина и доста други познати клубови отиде дотаму и тврди дека Де Ѕерби е дури подобар стратег од Пеп Гвардиола.

-Да го имав Де Ѕерби пред 10-12 години, фудбалот ќе беше поинаков. Мислам дека тој ќе биде најдобриот тренер во следните 20-30 години. Тој го подобри секој играч со коги работеше, од голман до напаѓачот. Работев со него кога имав 32 години и се чувствував посилен од кога и да е. Де Ѕерби прави да се чувствуваш навистина вклучен, знаеше како да ме заштити кога беше потребно, да ме мотивира кога ми требаше. Тој навистина се грижи за аспектот на човечкиот однос на менаџментот и тоа е од фундаментално значење

-Дали Де Ѕерби е подобар од Гвардиола? Јас велам да, -вели Кевин кој соработуваше со Роберто во Сасуоло.