Блицкриг на ПСЖ во 80 секунди: Мајсторија на Фабијан Руиз и гол на Дембеле за потврда на трите бода (Видео)

ПСЖ продолжи со високиот процент на постигнати голови на стартот на сезоната во Лига 1, па така откако запиша 13 во првите три рунди, денеска придодаде уште три.

„Светците“ денеска беа предизвикани од Брест и резултатот беше неизвесен до 73-та минута, но потоа следеше блицкриг на избраниците на Луис Енрике.

ПСЖ денеска правеше пресврт и се врати од негатива од 0:1, а тоа е само уште еден доказ дека тимот има голема самодоверба по заминувањето на Килијан Мбапе.

Дембеле го неутрализираше голот на Дел Кастилјо уште во првото полувреме, а потоа тој и Фабијан Руиз постигнаа два гола за победа во период од 80 секунди.

Најпрво Шпанецот режираше мајсторија за предност од 2:1, а во 74-та минута Дембеле искористи отпадок и ги постави конечните 3:1.

ПСЖ има максимални четири победи во првите четири кола во Франција, има постигнати неверојатни 16 гола, а примени само три.

Видеото погледнете го ТУКА