Блесок во дождливиот Есторил: Лотус одбележа 35 години од првата победа на Сена

Пред точно 35 години, во монсунски услови, Аиртон Сена го најави она што подоцна ќе го потврди, без разлика на прераната трагична смрт, претворајќи се во моторспорт и Формула 1 легенда.

Бразилецот на 21. април 1985 година победи на трката во Есторил и тоа зад воланот на Лотус 97Т, па на 25-годишна возраст стигна до дебитантската победа во Ф1, голем успех кој денеска е одбележан токму од Лотус.

Сена брилјирал на влажната патека во Есторил надмудрувајќи ги сите свои ривали уште на својата втора Ф1 трка, за подоцна да стигне до 6 победи за тимот на Лотус и вкупно 41 во кариерата, пред да загине на кобниот ден во 1994 година.

За големината и важнота на првата победа зборувал неговиот тогашен механичар, Крис Диниџ.

– Аиртон воопшто го немаше тестирано болидот на влажна патека, го возеше првпат во такви услови. Есторил беше моментот кога вистински експлодираше на сцената, бидејќи луѓето го гледаа и си велеа: Па чекај, тој успеа да ги помине за цел круг речиси сите ривали. Тогаш веќе знаевме дека има нешто специјално во него, – изјавил Диниџ.