Блажевиќ потврди дека води нова битка со ракот: Не се предавам!

Информацијата дека Мирослав Блажевиќ има сериозен здравствен проблем го шокираше регионот, посебно што изворот беше токму тој, односно негова изјава за словенечки медиум.

Легендарниот хрватски тренер во својата изјави најави дека се бори со незгодна болест.

– Драги мои Словенци, нашата љубов е безгранична.Вие ме сакате мене, јас ве сакам вас, но мора да ви кажам една тажна вест. Јас сум многу болен. Освен што сум стар, имам 86 години. Ако наскоро не дојдам, а веројатно нема, би ја искористил приликата да ја искажам својата љубов кон вас и да ги поздравам сите пријатели во Словенија, – изјавил Блажевиќ.

Хрватските медиуми беа затечени од информацијата, порталот „Индекс“ комуницирал со Ќира, па тој дал малку пооптимистичка изјава.

– Ми се врати карциномот и сега окупирал нови простори. Се проширил на лимфните жлезди, а извадената простата била жариштето.

– Се лекувам, се борам и не се давам. Најважно е што не планирам да се предадам, – изјавил Блажевиќ.