Блат: Џордан сигурно денеска би давал по 50 поени…

Американскиот кошаркарски стручњак, Дејвид Блат верува дека легендарниот Мајкл Џордан би „грмел“ и би бил незапирлив во денешната кошарка.

Блат како многумина низ светот внимателно го пратеше документарецот „Последниот танц“ посветен на Џордан и Чикаго Булс што беше само уште една потврда за многумина зошто легендарниот Ем-Џеј е „GOAT“, најголем на сите времиња.

-Џордан во денешната кошарка би давал по 50 поени по натпревар. Тоа единствено го можеше Вилт Чембрлејн во 60. години од минатиот век.

-Денеска би го испраќале на линијата за слободни фрлања барем 25 пати по натпревар, а би ги шутирал со 80 проценти за разлика од Чембрлејн кој беше на околу 50 проценти, -истакна Блат кој од 2014 до 2016 година беше во НБА во составот на Кливленд Кавалирс каде директно соработуваше со Леброн Џејмс кого многумина го споредуваат со Џордан.