Поврзете се со нас

Свет

Бјелса изгледа непрепознатливо, фановите загрижени за неговиот изглед (Фото)

Објавено

на

Легендарниот аргентински стратег, Марсело Бјелса извесен период беше далеку од очите на јавноста по неговото заминување од тимот на Лидс Јунајтед.

Сега, името на популарниот „лудак“ повторно се поврзува со тренерски ангажман и тоа во тимот на Атлетик Билбао.

Дека има вистина во шпекулациите дека Бјелса би можел да седне на клупата на баскискиот тим потврди и самиот стратег во видео кое беше споделено на социјалните мрежи.

Во видеото Бјелса потврди дека ќе го преземе Атлетик Билбао доколку на чело на клубот пристигне Ињаки Аречабалета, еден од луѓето кои се во трка за претседателската позиција.

Изборите во Атлетик за претседател ќе се одржат на крајот на оваа недела, па наскоро ќе биде познато дали Бјелса ќе биде нов тренер на познатиот шпански тим.

Сепак, она што ги загрижи фудбалските вљубеници е изгледот на Бјелса. Светот го знае како крупен човек, а на последното негово обраќање можеше да се забележи дека тој изгубил значителна телесна маса.

Засега нема некои назнаки дека Бјелса има проблеми со здравјето, но фановите нотираа дека наглото губање на килограми и тоа како може да биде загрижувачко.

Како и да е, Бјелса во своето обраќање посочи дека анализирал многу натпревари на Атлетик Билбао, што јасно покажува дека е подготвен повторно да преземе некој тим од највисок ранг.

Реклама
Реклама
Реклама

Популарни