Бизарна повреда: Бастони го „собра“ Дембеле, но најдебелиот крај го извлече Калафиори (Видео)

Италија направи пресврт против Франција на „Паркот на принцовите“ и го поправи впечатокот од Европското првенство во Германија, а причина плус за такво издание беше и агресивниот пристап кој го имаа избраниците на Лучано Спалети.

По примениот гол во 13-та секунда, гостите од Апенините одиграа многу поангажирано и попожртвувано на сите делови од теренот, па откако постигнаа три гола, знаеја и како да го сочуваат својот до крајот на мечот.

Италијанците не бираа начини за да се справат со брзоногите француски фудбалери, но еден лизгачки старт на Бастони имаше бизарна завршница, бидејќи со повреда од оваа ситуација излезе Калафиори.

Бастони го собра Дембеле и Французинот полета во воздух, но дека се приземјуваше незгодно го нагазна Калафиори кој го извлече најдебелиот крај.

Големото летно засилување на Арсенал брзо побара измена и излезе од игра, по што Спалети откри дека ќе му бидат направени детални прегледи за да се утврди дали ќе може да игра против Израел.

Riccardo Calafiori hurt in bizarre incident with Ousmane Dembele.#Azzurri #FRAITA #Arsenal #Calafiori pic.twitter.com/IVtsI6UusD

— Football Italia (@footballitalia) September 6, 2024