Битка за историјата: Ѓоковиќ или Алкарас, кој ќе го освои златниот медал во Париз?

Новак Ѓоковиќ и Карлос Алкарас ја оправдаа улогата на прв и втор носител на Летните Олимписките Игри, па во директен дуел ќе одлучат кој ќе го „грабне“ златниот медал и ќе испише историја.

Имено ако Ѓоковиќ слави на „Филип Шатрие“ ќе дојде до успехот кој му недостасува во кариерата, поточно на 24 грен слем титули, 40 АТП Мастерси и 428 недели на врвот на АТП листата ќе додаде и „пехар“ на ОИ.

Од друга страна го имаме Алкарас кој пред 22 роденден веќе има 4 големи титули (грен слемови) и со тоа е пред Ѓоковиќ и „големата тројка“ во однос на оваа фаза во кариерата. Тој е во налет со оглед на тоа што триумфираше на Вимблдон и Ролан Гарос, па златото дефинитивно ќе биде круна во актуелниот период.

По три победи имаат остварено двајцата тенисери во меѓусебните битки, а тоа значи дека денешната победа на некого ќе му донесе водство, но и момент за паметење.

Мечот е закажан за 14 часот во Париз.