Поврзете се со нас

Формула 1

Биното објасни зошто Ферари го ангажираше Саинц

Објавено

на

Ферари ова утро и официјално потврди дека Карлос Саинц ќе биде возачот кој ќе го замени Себастијан Фетел за наредната натпреварувачка сезона, одлука која експресно стана топ тема во автомобилистичката спортска јавност.

Младиот Шпанец не го криеше своето воодушевување што ќе вози за легендарниот италијански тим во иднина, а веднаш потоа, се огласи и одговорниот шеф на Ферари, Матија Биното кој се обиде да објасни зошто се одлучиле за ваков потег.

Навистина интересно е тоа што Ферари ќе го има најмладиот двоец во последните 50 години и тоа ќе биде еден вид парадокс за поновата историја на Формула 1, но Биното смета дека младиот пар е перфектна стратегија за да се остварат зацртаните цели.

– Со пет сезони искуство зад себе, Карлос покажа дека е голем таленти со фантастични технички квалитети и атрибути кои перфектно одговараат на нашата фамилија.

– Се одлучивме за нов циклус со цел да се вратиме на врвот на Формула 1. Патот ќе биде долг, сигурно ќе има потешкотии, пред се поради финансиската ситуација која нема да биде иста како до неодамншено минато. Веруваме дека талентираниот двоец Шарл и Карлос ќе биде фантастичен, тоа ќе биде најмладиот двоец на Скудерија во последните 50 години. Сигурни сме дека ова е добината комбинација за остварување на целите, – вели Биното.

Реклама
Реклама
Реклама

Популарни