Билетите за клупскиот мундијал се продаваат споро, Инфантино смирува: Треба да им објасниме на фановите

Светското клупско првенство со 32 учесници од целиот свет е најава за ново, интересно натпреварување под закрила на ФИФА, но американските фанови засега не реагираат според очекувањата на Светската фудбалска федерација.

Продажбата на билети не оди според очекувањата, се уште има достапни билети за сите натпревари, а претседателот Џани Инфантино вели дека нема простор за загриженост бидејќи американските фанови ќе реагираат поинаку откако ќе сфатат што ќе се случува во земјата.

– Не сум загрижен дали ќе ги исполниме стадионите, посебно што клубовите ќе дојдат овде за да се натпреваруваат за нешто конкретно, ова не се езгибициски натпревари на кои настапуваат и младинци.

– Ова е вистинско светско првенство, со најдобрите играчи и најголемите ѕвезди, тоа е она што треба да им го објасниме на навивачите во однос на турнирот. Кога луѓето ќе разберат што се случува, сигурно ќе сакаат да дојдат, Американците сакаат да го гледаат најдоброто и тоа ќе го добијат, – рекол Инфантино при посетата на Атланта.

Најевтиниот билет за натпреварот меѓу Интер Мајами и Ал Ахли, со кој ќе се отвори клупскиот мундијал изнесува 356 долари.