„Билд“ откри зошто УЕФА ставила вето на црвениот дрес на Баерн во ЛШ

Баерн Минхен ги игра своите домашни натпревари во Лигата на шампионите во бела униформа, а како што открива ексклузивно „Билд“, причина за тоа е еден детаљ од стандардниот црвен дрес кој не исполнува важен критериум на УЕФА.

Европската Фудбалската асоцијација всушност не му дозволува на Баерн да игра во својата домашна црвена гарнитура поради несекодјневна причина, или поточно поради неконвенционалниот дизајн на Адидас.

Според УЕФА, црвената боја на дресот во комбинација до црни бројки и имињата на фудбалерите одат против прописите за видливост пред ТВ аудиториумот, па поради тоа Баерн во првиот дел од сезоната доби забрана да ги користи домашните дресови.

„Билд“ информира дека баварците добиле препорака да направат мала корекција на основниот дизајн, а истата треба во продолжение да им дозволи да се вратат во препознатливото црвено светло.

Прописите на УЕФА велат дека актуелната комбинација не нуди доволно контраст за да се препознаат бројките, па побарано е од Баерн наместо црни, во иднина тие да бидат обоени во бела боја.

Bayern are not wearing their home kit in the Champions League this season because it does not meet UEFA regulations regarding number visibility due to insufficient contrast between the dark numbers and the red shirt. In principle, the kit is not banned – Bayern could technically… pic.twitter.com/fCoR98D1Rl

— Bayern & Germany (@iMiaSanMia) February 9, 2025