„Билд“: Баерн негира заминување на Левандовски, а тајно преговара со наследникот

Германскиот првак Баерн Минхен со изјавите во јавноста навестува дека нема лесно да се откаже од Роберт Левандовски, но истовремено тајно преговара со неговиот наследник.

„Билд“ кој вообичаено е добро информиран на вакви теми, пренесе дека иако Левандовски има уште една година од договорот со Баерн, тешко е да се поверува дека Баварците ќе го присилуваат да остане и досегашните изјави ќе бидат употребени само за зголемување на неговата трансфер цена.

Во меѓувреме, Хасан Салихамиџиќ и неговите соработници започнале преговори со Саша Калајџиќ, напаѓачот на Штутгарт кој е избран како идеален наследник на досегашниот голгетер на бундеслигашот.

Претставник на Штутгарт за „Скај“ изјавил дека клубот нема добиено понуда од Баерн, но тоа не ги елиминира преговорите со фудбалерот, кој исто така има уште една година од договорот.

За австрискиот репрезентативец Калајџиќ се интересира и Борусија Дортмунд, екипата која ќе остане без Ерлинг Халанд.