„Би-Би-Си“: Петровиќ по стапките на Аризабалага, си замина од Челси во ист ден

Ѓорѓе Петровиќ сериозно се наметна кај Маурисио Покетино и се претвори во прв голман на Челси во вториот дел од минатата сезона, но поради големите промени кои настанаа во клубот, неговиот статус сериозно се намали со новиот менаџер.

Енцо Мареска воведе свои правила и отстрани голем број играчи од неговите тренинзи, а во плејадата од отпишани играчи имаше и двајца голмани, Кепа Аризабалага и Србинот Петровиќ.

Шпанскиот чувар на мрежата ова утро беше потврден како големо летно засилување за Борнмут, но само неколку часа подоцна, Челси му договорил заем и на Петровиќ.

Србинот ја прифатил понудата од Стразбур и ќе оди на едногодишна позајмица во францускиот клуб, каде дефинитивно ќе ја добие минутажата која не му е гарантирата од Мареска.

„Би-Би-Си“ тврди дека операцијата е комплетирана и разменети се сите документи меѓу двата клуба, по што Петровиќ веќе тргнал на пат кон Франција.

Another Chelsea keeper on the move 🧤➡️

Djordje Petrovic has agreed to join RC Strasbourg on a season-long loan deal 🤝#BBCFootball

— BBC Sport (@BBCSport) August 29, 2024