Бетис доби инспирација од Меси и Роналдо и испрати вирална слика по големата победа над Реал (Фото)

Бетис оствари голема победа над Реал Мадрид и успеа да слави на „Бенито Вилјамарин“ со 2:1, резултат кој го натера администраторот на андалузискиот клуб да биде главен шоумен по крајот на мечот.

Ангажманот на Антони се покажува како полн погодок за „зелено-белите“ и Бетис изгледа навистина опасно со него и Иско како главни креатори во нападот, па откако беше запишана победа и над Реал, администраторот на социјалните мрежи испорача една слика која стана вирална.

Инспириран од незаборавната кампања на Луј Витон пред Светското првенство во 2022-ра година, администраторот на Бетис ја измени сликата од Меси и Роналдо, поставувајќи ги во прв план Иско и Антони.

– Најдобри на сите времиња….., – гласи пораката на Бетис.

Со третата победа во низа, Бетис се искачи на шестото место во Ла Лига, додека Реал вчера загуби драгоцени три бода во битката за титулата.

𝗚𝗢𝗔𝗧𝗦. pic.twitter.com/83lmK7cKDY

— Real Betis Balompié 🌴💚 (@RealBetis) March 1, 2025