Бесните навивачи на Партизан ја искршиле соблекувалната, тренерот Станојевиќ се појавил со фластери на пресот (Видео)

Партизан доживеа болен пораз од Црвена Звезда во вечното дерби во српскиот фудбал, а најтешкиот пораз во последните две ипол децении за жал одново го покажа најлошото лице на фудбалот на овие простори.

Во дадената ситуација, „третото полувреме“ се одвивало во подтрибинскиот простор и во соблекувалните, каде и покрај големото обезбедување, успеале да пробијат најлутите навивачи на Партизан.

„Гробарите“ успеале да дојдат до соблекувалните и да испокршат се што им се нашло на патот, а дел од стаклата завршиле во лицето на тренерот Александар Станојевиќ.

Поради тоа, предводникот на Партизан се појавил со фластери на лицето од заработените расекотини на официјалниот прес, по што дал и свое видување на немилиот инцидент.

– Незадоволните навивачи го искршија стаклото во соблекувалната и неколку делови ме погодија во лице. Тоа беше тоа, немаше ништо повеќе од тоа, немаше никаква друга мешаница, – изјавил Станојевиќ, кој дал свое видување и за невкусните прозивки кои ги доби од трибините.

– „Станоје оди си“ е нормална порака и ја почитувам пораката од навивачите, но од друга страна „го продаде клубот Станоје“ е една одвратна порака и не може да се поврзува со мене. Што се однесува до „Станоје оди си“, тоа е најмал проблем. Немав проблем да си одам претходно, јас не бегам од одговорност, но да се вели дека сум се продал……, – изјавил разочараниот Станојевиќ.

🗣️ “Ali da sam se prodao… Kome?”

Trener Partizana Aleksandar Stanojević pojavio se na konferenciji za medije rasečenog lica, uz flastere iznad oka i na nosu, posle poraza od Crvene zvezde 0:4 u 174. Večitom derbiju u Humskoj.

🎥 Arena Sport pic.twitter.com/h7Rzqd6MSO

— Sportal.rs (@SportalSrbija) September 23, 2024

Partizan manager Aleksandar Stanojevic with bruises on his face after Partizan fans were throwing objects & trashed the dressing room after the 4-0 loss to Crvena zvezda in the Belgrade Derby.

Pathetic stuff. They should have done that to the people who are actually in… pic.twitter.com/PBAdhDa5CC

— Serbian Football (@SerbianFooty) September 23, 2024