Бешикташ направи седма тренерска смена во период од една година

Турскиот клуб Бешикташ минува во уште еден турбулентен период, во кој покрај нов претседател, очигледно ќе добие и нов тренер.

Слабата резултатска серија му донесе отказ на Џовани ван Бронкхорст, па холандскиот стручњак ќе биде седми тренер кој заминал од истанбулскиот состав во период од нешто повеќе од една година.

Бешикташ добро ја започна сезоната со убедливата Супер куп победа против Галатасарај, но подоцна не успеа да им парира на најголемите градски и турски ривали.

Во моментов се наоѓа на шестото место на табелата во турското првенство, со 13 бодови заостанување зад актуелниот лидер Галатасарај.

Клучен момент кој ја прелил чашата кај одговорните во клубот бил и последниот пораз на домашен терен од Макаби во Лига Европа.