Беса соопшти кој ќе ја води екипата до крајот на есенскиот дел на сезоната

Беса 1976 ја игра првата сезона во најсилната домашна фудбалска конкуренција, сезона која засега е турбулентна и донесе доста промени на тренерската позиција.

Клубот од Добридол тргна со Александар Таневски кој потоа доби отказ, потоа привремено шанса доби Бурим Садики за да на жешкото столче застане и Берат Имери, стратег кој не се снајде и по лошите резултати ја напушти функцијата.

Во јавноста се споменуваа одредени имиња како потенцијални кандидати, но од таборот на Беса денеска се огласија демантирајќи ги тие информации, а во исто време соопштувајќи ја конечната одлука околу тоа кој ќе го води тимот до крајот на есенскиот дел од кампања.

Садики ја има довербата и ќе биде тренер на Беса на пресметките со Тиквеш, Работнички, АП Брера Струмица, Пелистер и Шкупи.