Беса со „хет-трик“ засилувања за еден ден

Новиот амбициозен прволигаш Беса потврди уште две нови имиња што значи денеска „испорача хет-трик“ кога се во прашања засилувањата.

Прво клубот од Добридол се пофали со потписот на дефанзивецот Адем Драгановиќ за да потоа претстави уште двајца играчи кои и се далеку попознати на македонската фудбалска јавност.

Беса се засили со дефанзивец од Австрија

Се работи за Ремзифаик Селмани, некогашниот младински репрезентаитвец на Македонија кој може да се пофали со доста искуство надвор од нашите граници со тоа што последниот ангажман го имаше во Брегалница.

Второто име е Адама Самаке, интернационалецот од Брегот од Слоновата Коска кој имаше навистина квалитетни изданија во Македонија Ѓорче Петров.

„Лавовите“ испаднаа во ВМФЛ, па Самаке доби понуда од Беса која одлучи да ја прифати.