Беса славеше во дербито во Битола, Детонит дојде до второто место на табелата

Тимот на Беса издвојува победа над Пелистер од 2-1 во дерби сердбата од 11. коло во Втората македонска лига.

Беса успеа да слави во Битола и со тоа уште еднаш да потврди дека е главен фаворит за освојување на пехарот во оваа конкуренција, поточно за влез во најсилното домашно фудбалско натпреварување.

Двата гола за актуелниот лидер на табелата беа дело на Адеми, додека за „зелено-белите“ погоди искусниот Христов.

Овој пораз на Пелистер го искористи Детонит Плачковица која со славјето над Новаци од 3-0 се проби на второто место на табелата.

Резултати 11. коло:

Пелистер – Беса 1-2
Арсими – Тетекс 2-1
Детонит Плачковица – Новаци 3-0
Скопје – Башкими 3-1
Каменица Саса – Охрид 1-1
Караорман – Осогово 2-0
Кожуф – Беласица 1-1
Вардар Неготино – Победа 3-2