Поврзете се со нас

Формула 1

Берни Еклстоун упати изненадувачки совет до Фетел кој допрва треба да избере каде ќе ја продолжи кариерата

Објавено

на

Поранешниот прв човек на Формула 1, Берни Еклстоун упати совет до Себастијан Фетел за тоа каков тим да избере за продолжување на својата кариера.

Фетел нема да го продолжи договорот со Ферари, па по крајот на оваа сезона, кога и да се случи тоа, ќе го напушти тимот од Маранело.

Еклстоун помалку изненадувачки изјави дека доколку би бил на местото на Фетел не би одел во врвен тим, туку во тим кој во моментов е во изградба.

– На негово место не би одел во врвен тим. Треба да се обиде да работи со луѓе кои градат тим. Не гледам причина зошто треба да оди во Мерцедес. Фетел би бил од голема помош на тим кој е во изградба. Таков премин добро ви влијаел на него, би му донел нешто целосно ново, како во времето кога ја почна соработката со Ред Бул, -изјави Еклстоун во интервју за „Билд“.

89 годишниот милијардер потоа се насочи и кон, веројатно новиот пилот на Ферари, Карлос Сајнц.

– Карлос одеднаш се претвори во многу конкурентен пилот. Многу е талентиран и тимот лесно ќе се носи со него. Ако оди во Ферари, ќе биде број два, но таков статус за него нема да биде проблем, -заврши Еклстоун.

Реклама
Реклама
Реклама

Популарни