Поврзете се со нас

Германија

Берлин мируваше 45 минути, па Херта го испрати Унион со четири „парчиња“ во мрежата (Видео)

blank

Новото коло во Бундеслигата започна со скромната петочна програма која ни донесе едно мало берлинско дерби, во кое здодевниот и неинвентивниот фудбал во првиот дел беше заменет со фуриозни 45 минути на домаќинот.

Берлин мируваше во првото полувреме, но затоа потоа следеше ерупција во продолжението кое ја започна Ведат Ибишевиќ, а ја довршија Лукебакија, Куња и Бојата.

Со оглед на тоа што станува збор за два тима кои се на средина на табелата, убедливата победа не беше најочекувано, но очигледно Херта далеку подобро се подготвувала во изминатиов месец, бидејќи ова беше втор уверлив триумф по оној над Хофенхајм од 0:3 минатиот викенд.

За помалиот тим од Берлин, ова беше втор неуспех во период од неколку дена, бидејќи изминатиот викенд немаше шанси на домашен терен против Баерн Минхен.

Викенд програмата во Бундеслигата започнува утре, а од прикажаниот распред, најголемо внимание привелкуваат дуелите Менхегладбах-Леверкузен, односно Волфзбург-Борусија Дортмунд.

Продолжи
Реклама
Реклама
Реклама

Facebook