Бергоми со порака до сите кои го поддржуваат Интер: Мора да му веруваме на Инѕаги…

Интер со фуриозна партија ја потопи Верона со 5-0 во италијанската Серија А и тоа со пет гола кои беа постигнати во првото полувреме на „Марк’Антонио Бентегоди“.

Актуелниот првак има проблеми со играчкиот кадар пред овој меч затоа што отсутни беа двајца клучни играчи во имињата на Лаутаро Мартинез и Хакан Чалханоглу, па тренерот Симоне Инѕаги повлече потег кој ги изненади навивачите, а тоа е внесувањето на Хоакин Кореја во почетната постава.

Пред овој меч тој имаше одиграно само 38 минути во Калчото, но тој вистински ја оправда довербата и даде гол и две асистенции со што го натера легендарниот Џузепе Бепе Бергоми да испрати порака до сите оние кои гоо поддржуваат клубот од Милано.

-Би сакал нешто да потенцирам: секој од нас, особено светот на Интер, треба да му верува на Симоне Инѕаги. Затоа што постојано добива критики: „Менува седум играчи, го тера Кореа да игра и така натаму…

-Но потоа, на крајот на краиштата, тој има девет победи и две нерешени натпревари од последните 11 натпревари, ротираше многу играчи и се справи со повреди – можеби не тешки, но имаше мускулни пробллеми за Чалханоглу, Ачерби, Зиелински…Тој се соочи со тешкотии во секој оддел, но добро му оди во начинот на кој управува со играчите. Тоа е вистинската стратегија, затоа што мора да останете во првите четири, -порача Бергоми.