Беретини за предлогот на Ѓоковиќ: Идејата е добра, ама повеќе би сакал…

Осмиот светски рекет, Матео Беретини се изјасни позитивно за идејата на Новак Ѓоковиќ да им се помогне на лошо рангираните тенисери кои се најмногу погодени од пандемијата со коронавирусот.

Имаше различни ставови на овој предлог на Ѓоковиќ за донација на финансиска помош, а Беретини е меѓу оние кои е „ЗА“, иако и тој ако би морал да бира би донирал на други места.

-Проектот е добар. Суспензијата трае два месеци и многу им е тешко за играчите кои се пониско рангирани, бидејќи подолг временски период не можат да издржат без заработка. На многумина им е потребна помош. Сепак, јас повеќе би им помогнал на болниците или семејствата кои се во тешка ситуација -вели Италијанецот и додава:

-Секако, оваа идеја е позитивна работа за тенисот, бидејќи покажува дека се грижиме едни за други, дека сме колегијални, -заврши 24-годишниот Матео.