Беретини доби брутален поен во исцрпувачка размена и го шокираше Зверев во Монте Карло (Видео)

Матео Беретини полека го фаќа вистинскиот пат откако надмина голем број физички проблеми изминатите неколку години, па откако пред извесно време го победи Новак Ѓоковиќ, сега му зема мерка и на Александар Зверев.

Германецот вчера говореше дека планира да има добра турнеја на земјена подлога и дека ќе биде еден од главните фаворити на Ролан Гарос, но стартот во Монте Карло му донесе големо разочарување.

Иако го доби првиот сет против Беретини со 6:2, во продолжение наиде на многу посериозен отпор, па дури и беше надигран во одлучувачките моменти.

Италијанецот возврати со 6:3 и израмни на 1:1, додека во пресудните моменти како клучен се покажа поенот во кој има неверојатни 48 размени.

Импресивното тениско рели му припадна на Беретини, кој потоа направи брејк и отсервира за победа од 7:5 во третиот сет.

So engaging 🤯

A 48-shot rally in Berrettini vs Zverev!#RolexMonteCarloMasters pic.twitter.com/65evapiy7R

— Tennis TV (@TennisTV) April 8, 2025