Бербатов за своето искуство како стопер во Јунајтед: Бев како Барези, Малдини и Бекенбауер во едно

Димитар Бербатов во својата кариера играше како напаѓач и имаше задача да ја тресе мрежата на противниците, но понекогаш ситуацијата е таква и бара алтернативни решенија, па Бугаринот на еден од мечевите како член на Манчестер Јунајтед морал да игра како стопер.

Токму на таа средба против Лидс во Лига Купот се потсети некогашниот ас на „црвените ѓаволи“ и притоа објасни како се чувствувал.

-Прво не беа пет минути, туку можеби половина час, -се пошегувал Димитар.

-Секако дека паматам, но многу луѓе не паметат кој меч беше тоа. Јас бев како Барези, Малдини и Бекенбауер во едно, -дополни Бербатов кој на тренинзите навистина играл и во одбраната за да може повеќе да дознае за таа дефанзивна линија и потоа тоа да го искористи на натпреварите.