Бербатов за конфликтот во Јунајтед: Санчо се преценува себеси

Димитар Бербатов го коментирал конфликтот меѓу Ерик тен Хаг и Џејдон Санчо во Манчестер Јунајтед и застанал на страната на менаџерот.

Поранешниот напаѓач на „црвените ѓаволи“ смета дека англискиот репрезентативец треба да му се извини на менаџерот и на тој начин да се обиде да се врати во тимот.

– Ако Санчо продолжи вака, нема ништо да постигне и ќе биде се подалеку од клубот.

– Најмногу сум разочаран од фактот што оваа тема стана јавна и сите ја коментираат. Секогаш имало и ќе има вакви конфликти, но не треба да стигнат до јавноста на ваков начин.

– Менаџерот е главен, мислам дека Санчо треба да се извини и да си ја сфати грешката, а потоа да се бори за место во тимот преку тренинзите.

– Во вакви ситуации фудбалерите често се преценуваат себеси, Санчо не може да се споредува со Кристијано Роналдо, затоа што тој имаше освоено се со клубот. Санчо се преценува бидејќи нема освоено ништо, колку и да е талентиран, тоа не го покажал во Јунајтед. Ако не реши да се промени, факт е дека двете страни ќе се разделат, – изјавил Бербатов.