Бербатов со уникатно видео го прослави враќањето на Манчестер Јунајтед на првото место на табелата

Како и што се очекуваше, Манчестер Јунајтед славеше доста тешка победа на гостувањето на „Турф Мур“ кај Барнли.

„Ѓаволите“ славеа со минимални 1:0, а единствениот гол на средбата беше дело на Пол Погба во втората половина од второто полувреме.

Со оваа победа Манчестер Јунајтед се искачи на врвот на првенствената табела со 36 бодови од 17 одиграни средби, три повеќе од Ливерпул кој е нивен следен противник.

„Ѓаволите“ за прв пат по далечната 2012 година се на врвот на премиерлигашката табела по 17 одиграни кола, во сезоната кога последен пат беа први на крајот и ја освоија титулата предводени од големиот Сер Алекс Фергусон.

Враќањето на врвот на табелата го прослави и поранешниот играч на Манчестер Јунајтед, Димитар Бербатов кој од својот дом упати видео на кое ја пее познатата навивачка песна на „ѓаволите“.

– Правиме што сакаме, правиме што сакаме, ние сме Манчестер Јунајтед, правиме што сакаме, -порача низ песна некогашниот голгетер на Јунајтед.

Berba enjoyed that one 😂🇧🇬 pic.twitter.com/sfU2d3t5TZ

— utdreport (@utdreport) January 12, 2021