Поврзете се со нас

Франција

Бензема: Тие што го критикуваат Меси не знаат ништо за фудбалот

Објавено

на

Лионел Меси од оваа сезона го носи дресот на францускиот вицешампион Пари Сен Жермен, клуб во кој досега не заблеска онака како што се очекуваше по доаѓањето од Барселона.

Аргентинецот имаше одредени проблеми од самиот старт затоа што ја пропушти претсезоната и тоа дефинитивно влијаеше врз него, а секако тука е и факторот нова сезона, тим кој е далеку поразличен од претходниот во кој ја мина целата досегашна кариера.

Карим Бензема долго време е во Шпанија и имаше можност одлиску да се натпреварува со Меси за кога има само пофални зборови, односно не му е јасно како може некој да го критикува аргентинскиот репрезентативец.

-Ќе биде чудно сега пак да се сретнеме по толку години поминати во Барселона. Тој е еден од најдобрите играчи во светот, -изјави Бензема најавувајќи го натпреварот помеѓу Реал и ПСЖ во Лигата на шампионите.

-Зошто досега не покажа се што може во ПСЖ? Потребно е време за да се прилагоди, адаптира. Ама погледнете што прави на теренот. Не можете само така да критикувате таков играч. Кој го критикува Меси, навистина не се разбира во фудбал, -рече членот на „кралевите“ кој имаше што да каже и за Килијан Мбапе.

-Ќе биде интересно, бидејќи сме во добри односи. Ќе видиме што ќе се случи. Сакам да победувам, сигурен сум дека тоа е неговата цел. Дали разговаравме за натпреварот? Искрено, разговаравме за повеќе теми, но се уште не за натпреварот, -заврши најдобриот стрелец на актуелниот лидер во Примера.

Реклама
Реклама
Реклама

Популарни