Бензема ќе покрене постапка против францускиот министер: Ова е лага, тој никогаш не комуницирал со терористи

Карим Бензема во изминативе денови е во центарот на вниманието на француската јавноста и тоа по информациите дека е поврзан со терористичка група.

Министерот за внатрешни работи, Жералд Дарманин ја објави оваа информација за да потоа реагира и сенаторката Валери Бојер која побара да му биде одземено француското државјанство на Бензема, но и освоената „Златна топка“.

Француска сенаторка побара да му бидат одземени „Златната топка“ и државјанството на Бензема

Искусниот голгетер се нема огласено по овие обвинувања, но затоа неговиот адвокат Хугуес Вижие најави дека најверојатно ќе биде поднесена тужба против Дарманин.

-Ова е лага. Тој никогаш немал ни најмал однос со оваа организација. Размислуваме да покренеме постапка против овој министер (Дарманин) според законот за манипулација со информации кој е толку драг на нашата влада.

-Со клевета, па дури и јавна навреда, бидејќи оваа непостоечка врска со Муслиманското братство, која според него е озлогласена, очигледно е претставена како погрдна. Не е прифатливо оние што владеат да веруваат дека се овластени да направат нешто од чист опортунизам, -порачал адвокатот.