Бензема ја санирал повредата и може да се врати во францускиот состав

Карим Бензема заработи повреда уште пред првиот натпревар на Франција на СП во Катар, по што ја напушти мундијалската база и се врати во Мадрид.

Според најновите информации, рехабилитацијата со лекарскиот тим на Реал била успешна и деновиве Карим ќе може да работи на групните тренинзи на својот клуб.

Она што ја прави ситуацијата поинтересна е дека Бензема теоретски може да се врати и на светското првенство и да настапува за својата репрезентација.

Француските медиуми добиле потврда од ФИФА дека не постои пречка Бензема да го облече дресот на актуелниот светски шампион, што е и логично бидејќи Дидие Дешамп не повика замена за најдобриот светски фудбалер.

Ваквиот развој на настаните би значел и голем пресврт, па Бензема би можел да биде големо засилување за Франција во нокаут фазата.