Бентанкур со почетничка грешка во 60. секунда ги шокираше фановите на Јуве (Видео)

Играчите на Јувентус уште не влегоа во мечот и не добија шанса да наметнат темпо и свој ритам, бидејќи по само 60 секунди, Бентанкур направи кратастрофална и почетничка грешка која едноставно е недопустлива во Лигата на шампионите.

Италијанскиот првак замина како фаворит во Португалија, но веќе во првата минута имаше негатива откако играчот за врска на Јувентус направи ужасен потег и им подари гол на гостите.

Во непотребните додавање во опасна зона, последната и најголема грешка ја направи Бентанкур, кој наместо до Шчесни, топката ја додаде до Тареми кој со лизгачки старт ја внесе топката во мрежата за големо водство.

Иако е премногу рано за било какви заклучоци, Порто доби огромен подарок од Јувентус во овој осминафинален двобој, па дали избраниците на Пирло ќе се рехабилитираат од почетниот шок, останува да видиме.