Поврзете се со нас

Свет

Бенфика ќе го спасува пропаднатиот талент на Реал кој ги чинеше „кралевите“ 30 милиони евра

Објавено

на

Foto:instagram.com/reinier.jesus

Флорентино Перез ги натера скаутите на Реал Мадрид да бидат посебно внимателни на пазарот во Јужна Америка откако Нејмар заврши во Барселона, па за да не му се повтори слично сценарио, првиот човек на „кралскиот клуб“ не штедеше пари за да ги донесе Винисиус Жуниор и Родриго.

За двајцата беа потрошени околу 80 милиони евра и може слободно да се каже дека скаутите на Реал воопшто не погрешија, но сепак Бразилецот кој ја заокружи трилогијата на играчи од оваа земја не се покажа баш најдобро.

Реинер Жесус пристигна во Реал во јануари 2020-та година во трансфер вреден 30 милиони евра, но не само што нема официјален настап за првиот тим на Реал, туку не може да се наметне ниту во тимовите каде оди на позајмица.

Бразилецот кој има 20 години заокружи две сезони за заборав во Борусија Дортмунд, а последните информации кои пристигнуваат од Португалија велат дека Бенфика планира да го спаси големиот талент.

„Рекорд“ открива дека „лисабонските орли“ ги остварил првите контакти за ангажман на фудбалерот кој се уште поседува голем потенцијал, а Бенфика смета дека нивната средина ќе биде идеална за развивање во вистински првец и враќање во посакуваниот колосек.

– Мојот син гледа со голем ентузијазам на тоа што се зборува. Кога те следи клуб со големина како Бенфика, не може да останете без никаква реакција и да бидете незадоволен, – изјавил таткото на Реинер за „Рекорд“.

Реклама
Реклама
Реклама

Популарни