Бенфика го награди тренерот со нов договор

Одличната сезона на Бенфика му донесе многу комплименти на тренерот Роџер Шмит, кој за постигнатите резултати е награден и со нов и финансиски потежок договор.

Португалскиот клуб реши да му понуди договор до 2026 година на Шмит, што тренерот го прифатил без многу размислување, па сега и двете страни можат да работат на дополнителен напредок на екипата и клубот.

Шмит дојде во Лисабон во мај 2022 година и за разлика од попознати имиња кои ја извршуваа функцијата, ја одведе Бенфика до четвртфиналето на Лигата на шампионите и на добар пат кон освојување на титулата во домашното првенство.

Пред да работи во Бенфика, Шмит беше тренер на ПСВ, Салцбург, Баер Леверкузен и кинескиот тим Бејџинг Гуан.

Бенфика ќе игра против Интер во ЛШ, додека има предност од 10 бода пред Порто во португалската лига.

✍️ Roger Schmidt renova até 2️⃣0️⃣2️⃣6️⃣!#EuAmoOBenfica pic.twitter.com/YZWrX3iFNC

— SL Benfica (@SLBenfica) March 31, 2023