Бенасер: Никогаш не би го направил потегот на Чалханоглу

Исмаел Бенасер пристигна во Милан во 2019 година и успеа за краток период да го потврди својот потенцијал, иако во меѓувреме мораше да се соочи со подолга пауза поради повреда.

Во своето последно гостување во еден подкаст, Бенасер го потенцирал разочарувањето од повредата, но исто така и од потегот на поранешниот соиграч, Хакан Чалханоглу.

Турскиот репрезентативец во 2021 направи трансфер од Милан во Интер, а Алжирецот вели дека никогаш не би го направил истото.

– Не знаев дека Чалханоглу ќе замине во Интер до последен момент, мислев дека сака да остане, но очигледно не најдоа заеднички јазик за продолжување на договорот.

– Останавме пријатели, но не теренот. На теренот немам пријатели, посебно не од тимот на Интер. Бев на одмор кога слушнав за трансферот и си реков: Не, тоа не може да биде реално.

– Јас лично никогаш не би го направил тоа, имам големо почитување кон Милан и Интер може да ми понуди што сака, но таа опција е невозможна. Не знам дали ќе останам овде до крајот на кариерата, но сигурен сум дека никогаш нема да играм во Интер, – открива Бенасер.