Белингем: Ова е најдобриот тим во Европа, не е срамота…

Реал Мадрид не успеа да извлече позитивен резултат на гостувањето кај Ливерпул во Лигата на шампионите каде со два гола во второто полувреме претрпе пораз од 2-0.

Мек Алистер и Гакпо беа стрелци на головите за „црвените“ кои сосема заслужено ги освоија трите бода на ова соочување и тоа го признава и Џуд Белингам.

-Тие од првата минута ја презедоа контролата, не го максимизиравме времето кога ја имавме топката. Се обидовме премногу пати да изнудиме контра, толку многу ја загубивме топката што тие само ја задржаа контролата. Мислам дека тие беа повеќе за тоа од нас, што е навистина разочарувачки да се каже.

-Веројатно е лош резултат против тимот со најдобри перформанси во Европа, така што не е срамота да дојдеме овде и да загубиме, но ние сме разочарани од тоа како се претставивме. Треба да го искористиме на вистински начин, ни остануваат уште три натпревари и важно е да ги победиме, -порача Англичанецот.

„Кралевите“ до крајот на групната фаза имаат срредби со Аталанта, Салцбург и Брест.