Белингем: Ми даваат многу сила и енергија, задоволство е да се игра за нив

Англискиот репрезентативец, Џуд Белингем има супер почеток на својата приказна со Реал Мадрид, тим во кој е најдобар, најконстантен играч во досегашниот тек на оваа сезона.

Тој веќе има десет гола зад своето име, забележа уште три асистенции, партии со кои ескпресно ги освои фановите, јавноста, соиграчите во соблекувалната. Белингем втор месец по ред е играч на месецот, па говорејќи за таа награда ги издвои навивачите и нивната поддршка како клучен фактор за квалитетните изданија.

-Мојата врска со навивачите е многу посебна, задоволство е да играм за нив. Уживам во песните и скандирањата, ми даваат многу енергија и сила. Веројатно тоа е причината зошто почнав така како што почнав. Многу тоа го ценам и се надевам дека ќе продолжиме да создаваме убави спомени заедно, -изјави Белингем кој ужива на „Сантијаго Бернабеу“.

-Тоа е остварување на сонот. Да се игра овде е подобро отколку што можев да замислам. Уживам во секој момент на тренинзите и на натпреварите и се надевам дека така ќе остане, -заклучи Џуд.