Белингем ја собра првата важна награда во Париз и покажа класа при говорот (Видео)

Џуд Белингем заврши на 18-то место во поредокот за „Златната топка“, но затоа новата ѕвезда на Реал Мадрид беше првата која излезе на бината на свечената церемонија во Париз.

Причина за тоа беше првата важна награда која беше доделена од страна на Еден Азар, а која се однесуваше за најдобриот млад фудбалер во 2023-та година.

Доскорешниот играч на Реал Мадрид имаше чест да му го врачи признанието на англискиот репрезентативец, кој покажа класа и при говорот, не заборавајќи ниту еден од претохдните два клуба.

– Сакам да им се заблагодарам на сите кои ме поддржаа во моето патување до тука. Започнувајќи од Бирмингем, потоа Дортмунд, а сега Реал Мадрид.

– Сакам да им се заблагодарам и на моите најблиски, на моите мајка и татко кои се тука и на мојот брат кој е дома, – изјави Белингем откако го доби трофејот „Копа“.

Jude Bellingham won the 2023 Kopa Trophy, congrats 👏#ballondor pic.twitter.com/Od05dyIecy

— Ballon d'Or #ballondor (@ballondor) October 30, 2023