Белингем и Мбапе донесоа десетта победа за Реал во Примера (ВИДЕО)

Реал Мадрид го совлада Хетафе (2-0) и на најдобар можен начин го искористи вчерашниот кикс на Барселона против Лас Палмас (1-2) во шпанската Примера.

Со денешниот триумф „кралевите“ дојдоа само на бод во однос на каталонците, плус имаат натпревар помалку, оној одложениот со Валенсија што значи се во ставија во позиција и да ја преземат лидерската позиција на табелата.

Најважните моменти на соочувањето на „Сантијаго Бернабеу“ се случија во првото полувреме кога во листата на стрелци се запишаа Белингем и Мбапе. Англичанецот стрелаше од белата точка во 30 минута, додека Килијан погоди атрактивно во 38 минута.

Следно за избраниците на Анчелоти е гостувањето во Баскија кај Атлетик Билбао.

ОВДЕ можете да ги погледнете головите.