Белингам удираше со глава шише кое долета од трибините, Ридигер им се закануваше со смрт на навивачите на Атлетико (Видео)

Антонио Ридигер ја презема одговорноста да го шутира последниот пенал на Реал Мадрид во серијата со Атлетико Мадрид, а откако успеа да го реализира истиот, започна големото и лудо славје на играчите облечени во бела униформа.

Ѕвездите на „кралскиот клуб“ го истрчаа цел терен и дојдоа до трибината каде во горниот дел беа навивачите на Реал Мадрид, но фактот што пред нив стоеја и навивачи на Атлетико, направи да видиме мал хаос и рафал од разлутените „колчонероси“.

Фановите на Атлетико не бираа предмети со кои ги гаѓаа фудбалерите на Реал, а додека Џуд Белингам уживаше во рафалот и удираше со глава шише кое долета од трибината, Антонио Ридигер малку претера со реакцијата која ја имаше.

Стоперот на Реал имаше одговор за домашните навивачи со доста невкусна гестикулација, односно им порача дека ќе им го „скине гркланот“ во ситуација кога работите малку излегоа од контрола.

Вакви моменти дефинитивно станаа традиционален фолклор од големото мадридско дерби, кое полека прераснува и во големо европско дерби поради зачестените пресметки во Лигата на шампиони.

Jude trying to header a bottle thrown by Atletico fans and Rudiger ready to fight them all, I swear my teams full of psychopaths 😭😭😭😭 pic.twitter.com/MXm2EoXQQ1

— WolfRMFC (@WolfRMFC) March 13, 2025