Белингам со измешани емоции: Најпрво го изневерив тимот, па покажав дека можам да бидам лидер на Реал!

Џуд Белингам не успеа да го надмудри Столе Димитриевски во соочувањето кое го имаа во 55-та минута и го погоди само дирекот, но Англичанецот уште еднаш демонстрираше дека поседува неверојатен карактер и во продолжение успеа да си издигне и да прерасне во херој на Реал Мадрид.

„Кралевите“ направија пресврт против Валенсија со играч помалку на теренот, а најзаслужен за тоа беше токму Џуд кој запиша асистенција до Модриќ, но потоа и гол за победа од 1:2.

Сосема очекувано, Белингам прерасна во јунак во тешко извојуваната победа на новиот лидер во Ла Лига, а со тоа го поправи својот импресивен учинок со седум постигнати гола на последните осум натпревари во домашното првенство.

– Ова беше луд натпревар во секоја смисла на зборот. Многу е тешко да промашите пенал кога тимот очекува толку многу од вас. Се чувствував како да го изневерив тимот и бев лут на себе, но морав да останам концентриран и да продолжам да играм најдобро што можам.

– Покажавме од каков материјал е направен Реал Мадрид, ние секогаш сме најдобри, особено во ваква предизвикувачка атмосфера. Кога го носите дресот на Реал Мадрид, никогаш не може да се откажете, без разлика на околностите. Наместо да ме обвинуваат, кога го промашив пеналот соиграчите дојдоа да ме утешат. Покажавме карактер со 10 играчи на теренот, останавме цврсти и обезбедивме три важни бода во битката за титулата.

– Постигнав гол и забележав асистенција, а знаев дека играм добро и покрај промашениот пенал. Сакам да бидам лидер на овој тим, а овојпат покажав дека го можам тоа, – изјави Белингам.